Пејачот Огнен Здравковски емотивно ѝ се обрати на својата мајка, пејачката Софче Џорлева, ќерката на легендарниот композитор и пејач Наско Џорлев, сестрата на за жал покојниот виолинист Зоран Џорлев.
-После цели 40 години поминати на сцената во “Македонска Опера и Балет”, со безброј претстави, аплаузи и незаборавни моменти, мојата мајка заминува во заслужена пензија. Живот посветен на сцената, на уметноста и на публиката. Љубовта кон сцената не се мери со години и таа никогаш не се пензионира. Горд сум на се што остави зад себе, чест ми е што ја делевме сцената заедно и уште погорд што сум твој син. Да си ми жива и здрава мамо и уште многу долги години да си ја трошиш пензијата. Те сакам- напиша Огнен за мајка си.
„Најреќен сум што сум потомок од моето семејство и што продолжувам по истите чекори што оделе моите. Цел живот сум растел со музика, почнувајќи од класика, до народно, до забавно, џез и секаков друг стил на музика. Виолината ми е прва љубов, свирев виолина во нижо музичко училиште, но поради здравствени причини, повреда, прекинав и продолжив со пеење. Моите отсекогаш ми зборувале да си останам скромен и свој, да не дозволам да ме смени кариерата“, рече пејачот во едно интервју за „Еспресо“.
