Српската актерка Анѓелка Стевиќ Жугиќ, во јавноста позната како Анѓелка Прпиќ, ги воодушеви своите следбеници на социјалните мрежи со емотивна фотографија од базенот каде што ужива во прегратките на својот сопруг Марко Жугиќ. Иако двојката ретко ја експонира својата приватност, познатата актерка упати страстен бакнеж и емотивна порака до сопругот:
„Она кога покрај некого си подобра верзија од себе“.
Нивната љубовна приказна со години беше под лупа на јавноста бидејќи Марко претходно беше близок пријател, па дури и кум на нејзиниот поранешен сопруг Дарио Прпиќ, со кого Анѓелка беше во брак девет години и го има синот Јакша. По разводот во 2020 година, актерката започна врска со Марко, а во мај 2023 година ја добија ќерката Чарна, за подоцна истата година да се венчаат на интимна церемонија.
Целата ситуација своевремено ја коментираше и нејзиниот поранешен сопруг Дарио Прпиќ, кој преку иронична изјава го ублажи чаршискиот притисок:
„Им посакувам секоја среќа, а ако се венчаат, можам да им бидам и кум. Дури и ако Марко сака да го земе моето презиме, јас немам ништо против“.
Покрај љубовните турбуленции, Анѓелка искрено откри и дека поранешниот сопруг ја сметал за досадна во приватниот живот, велејќи ѝ дека е вистинска измама во споредба со духовитите улоги што ги глуми. Сепак, актерката истакнува дека денес го живее својот најдобар период, посветена на семејството и воспитувањето на децата.
