Емотивна приказна за синот Марјан сподели Маја, сопругата на починатиот музичар Владимир Блажев-Панчо од ДНК.
Таа објави фотографија од нивниот син Марјан на фудбалскиот терен.
На фотографијата Марјан е во розов голмански дрес за време на „Илинден куп“, а Маја емотивна порака ја покажа гордоста кон својот син.
„Мојот херој“, напиша таа покрај фотографијата.
Марјан е помладиот од двата сина на Панчо и Маја. Панчо во едно интервју за своевремено зборуваше за своите синови Андреја и Марјан и за тоа какви деца се.
„Скромни и дружељубиви. Драго ми е дека се воспитани и лично јас имам некои принципи кои пробувам да ги имплементирам врз нив додека се мали“, изјави тогаш Панчо.
Тој раскажа и дека Андреја го сака спортот и тренира фудбал, додека за Марјан на шега рече дека е „маалска маскота“ и дека има големи шанси да тргне по неговите стапки.
Во друго интервју, Панчо зборуваше и за начинот на кој ги воспитува своите деца и за вредностите што сака да им ги пренесе.
„Ги учам да бидат реални и искрени. Не ги лажам дека сè е розово, бидејќи не е“, рече тој.
Владимир Блажев-Панчо почина на 14 октомври 2025 година, по повеќемесечно лекување од повредите што ги здоби во пожарот во дискотеката „Пулс“ во Кочани. Зад себе ги остави сопругата Маја и синовите Андреја и Марјан.
Панчо често јавно ја покажуваше гордоста кон своите деца. Во роденденска посвета за постариот син Андреја напиша: „Многу сум горд на тебе, пријателе. Денес го достигна нивото 11, но секогаш ќе бидеш моето бебе“, а пораката ја заврши со зборовите: „Те сака тато, твојот вечен слуга“. Андреја сега е прва година во средно училиште.
