Пејачот Сеид Мемиќ Вајта (72) се прослави со песната „Лејла“ со која ја претставуваше поранешна Југославија на Евровизија во 1981 година.
Во опусот на Вајта има и други хит песни, како „Превари ме срце мое“, „Азра“, „Златна рибица“, но во последните неколку години пејачот не снима песни и не настапува.
Вајта, југословенскиот пејач е роден во Травник и фронтмен на групата „Тешка индустрија“ од 1975 и 1976 година, важеше за најинтересниот лик кој тогаш се појави во јавноста и на музичката сцена. Во далечната 1981 година настапи на Евровизија со песната „Лејла“ со која го освои 15. место.
Како што рече претходно, иако плаќал придонеси 40 години, пензијата што ја добил изнесува околу 172 евра, изјави Вајта неодамна.
Рано го загубил татко му, па од петнаесетгодишна возраст морал да заработува – работел во фабрика, бил молер, кројач, потоа работел во леарница во Австрија… По враќањето од Австрија во 1971 година дизајнирал, изработувал и продаваше хипи накит и пееше во исто време со групата „Везири“ каде го замени пејачот Јосип Пејаковиќ, кој подоцна се посвети на актерството.
– Замислете да снимам песни во земја која е трета најсиромашна во светот. Не можам и не сакам. Кога гледам дека се бираме по националност, ми се гади. Имам премногу песни и мојот опус е единствен во таа галерија на БиХ и југословенската поп и рок музика – рече еднаш Вајта.
Играше и во филмот „Нечиста крв“. На почетокот на војната се пресели во Хамбург, кадешто живее и денес и се бави со музика.
