Јелена Карлеуша објави дека се разведе од Душко Тошиќ, а сега тој првпат проговори по разводот.
Двојката се разведе по шеснаесет години брак, а Јелена го доби старателството над децата.
Заедничкиот имот ќе го добијат нивните две ќерки Атина и Ники.
– По 16 години брак се разведов од мајката на моите деца со заедничка согласност. Договорот беше склопен заемно и на сечие задоволство, а најмногу се однесуваше на иднината на нашите деца, што ни е најважно – започна Душко на својот Инстаграм профил и продолжи:
– Се договоривме целиот наш заеднички недвижен имот да им припадне на нашите ќерки Ника и Атина. Исто така, секоја моја обврска како татко и машка фигура се подразбира. За мене најважно беше да можам да поминувам време со нашите деца кога сакам и кога имаме можност.
– Што се однесува до односот на Јелена и мене, нормално е кога ќе се случи развод, да има лутење и искри, но се надевам дека еден ден ќе престане. Мислам дека Јелена е добра мајка и добра пријателка и би сакал да останеме пријатели и да имаме добри односи заради нашите деца. На Јелена ѝ посакувам се најдобро и секогаш ќе бидам тука за мајката на моите деца, како и за моите деца. Сите грди работи треба да останат зад нас и само нашите деца да бидат центарот на нашиот свет, како што се – напиша Душко, поздравувајќи ги своите следбеници на социјалните мрежи.
