Актерката Диди Кон се прости од колешката и пријателка Оливија Њутн-Џон која почина во понеделникот.
„Мојата прекрасна пријателка, дамата Оливија Њутн-Џон нè напушти. Толку тажно. Моите мисли се со нејзиното семејство. Јас сум без зборови”, напиша таа на Инстаграм.
View this post on Instagram
Диди и Оливија се запознале на снимањето на филмот „Брилјантин“, во кој глумеа како пријателки. Диди ја играше Френси, а Оливија ја играше Сенди. Актерките станаа пријателки и во реалниот живот.
„Таа ми рече дека повеќе не може оди и дека има 24-часовна нега, а нејзиниот сопруг Џон и нејзината ќерка Клои беа цело време покрај неа“, изјави Диди за „Добро утро Америка“, присетувајќи се на последните денови на Оливија.
Таа откри и кога последен пат се слушнале.
„Последен пат се слушнавме преку СМС пораки и ѝ реков: Се надевам дека знаеш дека секогаш си во моето срце. Таа ми одговори: „А ти си во моето“. Тоа беше нашата последна порака на петти јули“, изјави актерката за Мирор.
„Ќе ја паметам по нејзиното големо срце во кое имаше место за се. И засекогаш искрено ќе ја сакам”, заклучи Диди.
За потсетување, Оливија почина во сон на нејзиниот ранч во Јужна Калифорнија во понеделникот наутро, опкружена со семејството и пријателите. Таа се бореше со ракот на дојката повеќе од 30 години. Веста за нејзината смрт ја потврди и нејзиниот сопруг Џон Истерлинг.
