Легендарниот бенд повеќе од една година е без својот сакан фронтмен, ненадејно починатиот Аки Рахимовски. Во музичките кругови се шушка дека Хусеин Хасанефендиќ Хус повторно го обединил бендот и дека младиот пејач Игор Дрвенкар им се придружил на проби.
Имаше многу шпекулации за продолжување на работата на бендот и за можниот нов вокал на Парни Ваљак. Најпрвин како можен нов пејач се споменуваше Кики Рахимовски, чиј глас силно наликува на неговиот татко Аки. Тогаш како можна замена се разговараше и за Филип Рудан, миленик меѓу тинејџерките. Но, Хусеин Хасанефендиќ Хус никогаш не избрзал со изјави за тоа што ќе се случи со бендот во иднина или кој би можел да го наследи Аки.
Сега е познато дека во иднина на сцената со Парни Ваљак како главен вокал ќе го гледаме Игор Дрвенкар, а групата ќе настапува под наслов ‘Parni valjak feat. Igor’.
Но кој е Игор?
Станува збор за перспективен 31 годишен пејач кој публиката го памети по впечатливите настапи во омилената хрватска емисија „А страна“ (која се емитува на ХТВ).
View this post on Instagram
Препознатлив е по „рапавиот“ гласот,а во музичките води е од средно училиште кога го имаше својот прв бенд „Откажани лет“, но како официјален почеток го смета освојувањето на Првата награда од публиката и втората награда од жирито на музичкиот фестивал во Михољанац во 2008 година.
Во 2012 година ја доби наградата за најдобар млад кантавтор, а една година подоцна на Рок академијата завршил снимање и продукција на звук.
View this post on Instagram
Настапувал и во театарски претстави, претежно во мјузикли.
Но познат е и по компонирање на театарска музика, и аранжирање, така негова музика е за преставата „Трешњалод“ и „Карло и дјед“.
Од 2015 до 2015 беше фронтмен на бендот Геа, со кој сними авторски албум.
Моментно настапува како соло изведувач.
