Џон Вик ги урива рекордите на киноблагајните ширум светот. Но за да се сними вакво неверојатно филмско остварување, биле потребни „жртви“. Снимањето на филмот помиало со бројни несреќи, по некоја скршена глава и завршувања во болница.
Во интервју за порталот ComicBook, Ривс изјави дека неколку пати работата на акциониот филм Џон Вик завршувала со брза помош. Глумецот сподели неколку детали за тоа што се случувало на сетот, и напомена дека членовите на филмската екипа често биле повредени при снимањата.
„Му ја дупнав главата на еден господин. И не само тоа, едно момче беше удрено од автомобил. Мораше да оди итно во болница, но сега е во ред”, објасни Кијану Ривс.
Тој додаде дека процесот на создавање слика бара одреден физички напор, но, според него, на сетот сите се грижат еден за друг.
„Се ова е да се каже: навистина треба да бидете внимателни. Но, одлично е што сите [на снимањето] се грижат еден за друг. Навистина, имаме некои модринки и поминати болки“, сподели тој.
Акциониот филм „Џон Вик 4“ со Кијану Ривс во насловната улога официјално излезе во македонските кина. Филмот доби висока оценка од 93 проценти на професионалниот агрегатор на прегледи Rotten Tomatoes, врз основа на 100 рецензии од печатот.
Кијану Ривс претходно изјави дека филмот „Џон Вик 4“ му го посветил на починатиот актер Ленс Редик.
