Иронично видео на Министерството за одбрана ги повика руските туристи да ги избегнуваат плажите на Крим, прикажувајќи слики од бегството по нападот на воената воздухопловна база Саки на 9 август.
Unless they want an unpleasantly hot summer break, we advise our valued russian guests not to visit Ukrainian Crimea.
Because no amount of sunscreen will protect them from the hazardous effects of smoking in unauthorised areas.
🎶Bananarama pic.twitter.com/NnWnpZqMhR— Defense of Ukraine (@DefenceU) August 11, 2022
„Доколку не сакаат да имаат непријатен и топол летен распуст, ги советуваме нашите ценети руски гости да не го посетуваат украинскиот Крим. Бидејќи ниту едно средство за сончање нема да ги заштити од опасните ефекти на димот во недозволени области“, соопшти Министерството во соопштението со видео објавено на Твитер, исмејувајќи се со Русите кои експлозиите што ги уништија авионите и муницијата на аеродромот Саки ги припишуваат на „несреќа“.
Со позадина на песната „Сурово лето“ на поп групата Бананарама, спотот ги повикува Русите да одат на одмор во Турција, Куба или Дубаи, но не и на Крим кој „е Украина“. А потоа прикажува слики од руски туристи исплашени од експлозии кои бегаат од плажата или плачат од страв.
Според неколку видеа кои се појавија на социјалните мрежи, експлозиите предизвикале паника кај туристите, од кои многумина се наредиле со автомобилите на мостот Керчен Теснец за да се вратат во Русија. Мост кој Украинците не кријат дека сакаат да го уништат порано или подоцна.
Украинското Министерство за одбрана пред два дена негираше дека силите на Киев ја нападнале руската воздухопловна база Саки, на Крим.
