Кевин Костнер и неговата екс сопруга Кристин Баумгартнер конечно постигнаа договор за исплати за издршка на децата, бидејќи беа во жестока судска битка во која таа бараше над 248 илјади за месечна алиментација.
Судот во Калифорнија конечно го реши спорот, пресудувајќи дека Костнер сега ќе ѝ плаќа вкупно 63.209 долари месечно на Кристин Баумгартнер за издршка на деца.
Се чини дека судијата го следеше она што Кевин Костнер го предложи дека е фер износ за плаќање кој изнесуваше 63 илјади долари, додека Кристин Баумгартнер привремено добиваше 129 илјади долари, што беше 100 илјади долари помалку од огромните 248 илјади што ги бараше првично.
Правната битка на Констнер со Кристин Баумгартнер се случува веќе некое време и стана прилично јавна.
Поранешниот пар, родители на тинејџерите Кејден, Хејс и Грејс, поднеле барање за развод по 18 години брак. Кога започна судската битка, Кристин мораше да го промени живеалиштето како што наложи судот.
Но Кристин одбиваше да се исели од домот додека не добие поголема сума пари за нов дом и за алиментација. Најпосле, мораше да си замине – но таа се пресели во помала куќа (куќа за персоналот) на самиот имот каде што престојува и денес. Извор близок до парот спомнува дека тоа е привремено решение додека таа „се уште бара друга куќа“.
„Таа останува во областа за да не го наруши животот на децата“, објасни изворот, „Тие ќе се вратат на училиште наесен со своите пријатели“. Иако ситуацијата меѓу двојката е комплицирана, „Кристин се обидува да одржи сè што е можно понормално. Нејзиниот единствен фокус се децата“, додава изворот за американските медиуми.
По одлуката на судот, Кевин Костнер одговори на неколку прашања за неговата врска со Кристин и јавно изјави дека „некако во овој необичен свет не успеавме да го сочуваме бракот и жал ми е поради тоа“.
