Принцот Вилијам и Кејт Мидлтон се отуѓени од принцот Хари и Меган Маркл речиси четири години, но идниот крал и кралица на Велика Британија се „отворени“ за помирување. За ова пишува Ју ес викли.
Анонимен инсајдер изјави за Ју ес викли, дека Кејт и Вилијам сакаат да се смират со принцот Хари и Меган Маркл и покрај навредите кои им ги нанеле, а односот сакаат да го поправат пред се поради нивните деца.
„Тие сакаат да ја подобрат врската со Меган и Хари и не сакаат кавгите и студенилото да се се пренесат на следната генерација“, вели извор близок до кралското семејство.
Истиот извор наведува дека истото чувство го делат и Хари и Меган, сакајќи нивните деца да одржуваат добри односи со своите братучеди со кои до сега не се ни виделе.
Првите во редот за британскиот трон, принцот Вилијам и неговата сопруга Кејт Мидлтон се родители на 10-годишниот принц Џорџ, 9-годишната принцеза Шарлот и 6-годишниот принц Луис, а принцот Хари и неговата сопруга Меган Маркл се родители на 4-годишниот принц Арчи и 2-годишната принцеза Дијана Лилибет. За жал, од отселувањето на Хари и Меган во САД, децата не се во „никакви односи“, како што пренесува изворот.
Како што е познато, принцот Хари треба да се врати во Обединетото Кралство на 8 мај, на церемонијата на прославата на 10-годишнината од Игрите Инвиктус, што поттикна шпекулации дека војводата би можел да се сретне со неговиот брат Вилијам и неговата сопруга Кејт, која моментално се лекува од рак.
Сепак, друг извор смета дека таква средба лице в лице најверојатно нема да има.
„Нивната врска останува крајно нарушена“, тврди инсајдерот.
Мидлтон (42) моментално е на третман за рак откако ѝ беше дијагностициран во март. Таа не е единствениот член на кралското семејство со здравствени проблеми, бидејќи кралот Чарлс (75) ја откри дијагнозата на рак во февруари, а Сара Фергусон, војвотката од Јорк, се бори со агресивен рак на кожата.
