Љубовната врска на пејачката Мина Костиќ и Мане Ќурувија Каспер веќе месеци е главна тема во јавноста. Љубовта започнала преку социјални мрежи, а откако се сретнале во живо, врската стана уште посилна, па дури и се верија пред камерите.
За Мина и Каспер скоро сите имаат мислење, додека едни ги поддржуваат, други мислат дека врската нема да успее.
Сепак, одреден број луѓе помислиле дека можат да преминат граница на почит и да им се закануваат на парот.
Каспер сподели на Инстаграм една порака која ја добил во инбокс:
„Кловн еден, да те е*** во уста. Ќе ти ги скршам сите тие вештачки заби каде и да те видам“.
Неговиот одговор бил жесток, но смирен:
„Боже, прости им, не знаат што прават. Целта на оваа порака беше да се плашам. Не успеаја во тоа, но успеаја да ме натажат колку луѓето се претвриле во омраза и насилство“.
Каспер се врати во Америка
Да потсетиме, Каспер на 1 февруари се вратил во Америка. Пред заминувањето од Србија, тој и Мина за „Блиц“ зборуваа за плановите за наредниот период:
„Тој патува, но ќе се врати брзо. Ќе бидеме во контакт како и до сега. Човек сè издржува, има телефони. Мора да оди, има таму работа и живот. Ќе биде сè како што треба“, изјавила Мина.
На прашањето дали ако Мина е бремена ќе се врати од Америка, тој одговорил:
„Даде Бог да е бремена, планираме и венчавка и веселба. Не сме прецизирале кога ќе биде венчавката, но реално е кога ќе биде убаво време. Оваа година ќе биде токму како што ја започнавме, година на љубов. Тоа е нашата порака од првиот ден. Нека секој се пронајде таму каде што љубовта живее“.
