Веста дека поранешниот фудбалер Душко Тошиќ влегол во градежништвото и веќе заработува сериозни суми, одекна во регионалните медиуми. Според пишувањата, Тошиќ ја завршил изградбата на луксузна стамбена зграда во Земун, а сите станови се продадени уште пред финализацијата, што му донело милионска добивка.
Добро информиран извор за медиумите открива дека Тошиќ целосно се повлекол од угостителството и сега е речиси целосно посветен на градежните проекти, во кои го вложува капиталот стекнат од успешната спортска кариера и богатите фудбалски договори. Поранешниот репрезентативец неодамна купил и викендичка со базен во близина на Зрењанин.
Неговиот успех го прокоментира и поранешната сопруга, Јелена Карлеуша.
„Повеќе за… сакав да кажам покојниците, пу, пу, далеку било… не би. Јас сакам сите мои поранешни мажи да имаат успех во секој бизнис – сè додека редовно ја плаќаат алиментацијата“, изјави Карлеуша за јутјуб-каналот „Право лице естраде“.
Потсетуваме, таа и претходно јавно зборуваше за темата алиментација. На Инстаграм напиша дека со години самостојно се грижела за двете ќерки.
„Благодарна сум на Владата и на претседателот на Србија за законот за алиментациски фонд. Како жена која 16 години сама ги издржуваше и подигнуваше децата, со само повремена ‘милостина’ од нивниот татко од странство, овој закон е голема победа за сите мајки. Државата ќе ги исплаќа алиментациите од фондот, а потоа ќе ја наплатува обврската од родителите што ја избегнуваат својата одговорност“, напиша тогаш Карлеуша.
