Една од најпопуларните пејачки од помладата генерација во регионот, Теа Таировиќ, пред речиси една година му го кажа судбоносното „да“ на својот долгогодишен избраник Иван. Сега за српски Информер откри како се прославува Велигден во нивното семејство.
– Велигденските празници секогаш ги доживувам како нешто посебно и убаво, во интимна атмосфера, без гужва и брзање… Времето некако се забавува и тогаш се посветувам на она што е најважно. Како и секогаш, и оваа година ќе го одбележам во кругот на семејството и најблиските. Го сакам тој спој на традиција и радост што го носи Велигден. Семејно се потсетуваме на некои смешни работи од минатото, прераскажуваме доживувања, се смееме, а често и пееме…
Теа кажа дека за велигденската трпеза сите се заслужни по малку.
– Кај нас велигденската трпеза е вистинска мала магија! Најмногу заслуги има моето семејство, но сите учествуваме на некој начин. На масата задолжително има јајца, но и сите други специјалитети. Всушност, сè што мириса на детството. Јас секогаш се трудам да дадам свој придонес, барем преку декорацијата и атмосферата. Јајцата ги фарбаме заедно, тоа е ритуал што не го пропуштам. Сакам и да експериментирам со бои и техники, а што се однесува до кршењето, и таму сум голем борец! Не можам да кажам дека секогаш победувам, но никогаш не се предавам. Баш како што никогаш не се предавам ни во животот!
Ги почитувам обичаите и се трудам да ги негувам колку што можам. Велигден за мене не е само празник, туку момент кога семејството е на куп. „Чувар-куќа“ е задолжително – секогаш првото обоено црвено јајце, кое го оставаме за таа намена.
Теа на сите верници им го честиташе празникот.
– На сите им посакувам Велигден да го поминат во мир, љубов и радост. Да бидат опкружени со луѓето што ги сакаат, да ја негуваат верата и надежта и секогаш да пронаоѓаат причина за насмевка. Животот е краток, треба да се биде среќен и радосен…
