Омилениот хрватски пејач и покрај страшната дијагноза останува оптимист и верува во моќта на молитвата.
По веста дека му бил дијагностициран рак на коските, Јасмин Ставрос (68) се јави од болница и за хрватските весници открива дека се бори за живот, а лекарите се сомневаат дека можеби има и рак на желудникот.
– Сега уште се сомневаат дека можеби имам и рак на желудникот. Дај боже тоа да не се случи, бидејќи би било погубно за мене – изјавил пејачот за Ин Магазин, кој по дијагнозата бил задржан во болница.
– Страшно боли. Ме боли грбот. Одам на зрачење и тие зрачења се многу болни и морам да легнам и потоа се прави контакт со моите нерви и тоа е страшно болно, но морам да издржам тие десет минути – додаде Јасмин и објасни дека симптомите од болеста ги почувствувал во јануари со болки во стомакот.
Потоа добив чир на дванаесетпалечното црево, итно не оперираа во Карловац и потоа добив сепса и потоа ме префрлија на одделението во Карловац и бев таму околу 12, 13 дена и дојдов дома и следниот ден веднаш пак во болница затоа што не можев да ја издржам болката, а не се знаеше што ми е – рече тој и додаде дека сега е втор ден на хемотерапија, пренесува хрватски 24 сата.
– Треба да поминат пет, шест дена и дури тогаш ќе знаеме каде сум, во каква состојба сум. Сега чувствувам дека закрепннувам, а лекарите и медицинските сестри и сите што работат овде навистина даваат максимум – рече тој и додаде дека најголемата утеха ја наоѓа во верата.
