Познатиот сараевски актер Моамер Касумовиќ предизвика големо негативно изненадување и осуда во јавноста откако беше откриено дека во 2021 година бил осуден за блудништво врз малолетник.
Касумовиќ се прослави со улогата на Дамир Хазлиновиќ во популарната серија „Луд, збунет, нормален“, а сега сите проекти во кои учествува се суспендирани.
Касумовиќ е осуден на една година, но ја отплатил казната и не одлежал ниту еден ден.
Сценаристот Феѓа Исовиќ откри дека целата екипа била шокирана и дека сите се надевале дека тоа биле само озборувања:
– Можам да ви кажам дека сум шокиран, како и сите други. Минатата година направивме пилот серија со него. Штом дознавме за ова, ја прекинавме продукцијата на таа серија. Веројатно, ако имаме услови, повторно ќе снимаме со друг актер. Навистина немам што друго да кажам – изјави Исовиќ.
Тој додаде дека сите се шокирани, збунети.
– Целиот тим, целата продукција. Ние сме во состојба на неверување дека е можно да се случи такво нешто. Се надевав дека тоа е само некое бесмислено озборување, дека не е вистина. Сепак, се покажа дека е вистина. Навистина, сите сме шокирани. Ги суспендираме сите проекти во кои е вклучен – потенцира Исовиќ за Аваз.
Јавната осуда особено се фокусираше на тоа што Моамер Касумовиќ, според тврдењата на локалните медиуми во Босна и Херцеговина, имал можност да си ја откупи казната од 12 месеци затвор. Ова предизвика дополнително незадоволство кај јавноста, а Обвинителството на кантонот Сараево поднесе жалба на висината на казната, која за жал беше одбиена.
Оваа ситуација предизвика бура од реакции низ регионот, при што многумина ја осудија „ниската“ казна изречена на актерот Моамер Касумовиќ. Многумина го кренаа својот глас против нееднаквоста во правосудниот систем и побараа поправеден третман на сите граѓани, без разлика на нивната професија или социјален статус.
Ана Бекута откри во каква здравствена состојба е! Пејачката ги објави нејзините медицински резултати
