Тина Ноулс, мајката на пејачката Бијонсе, била ограбена, откриваат американските медиуми. Полицијата известила дека крадците влегле во куќата и си заминале со пленот чија вредност е изразена со седумцифрен број.
Не се знае точно кога се случил грабежот, но провалниците одзеле сеф во кој имало накит вреден повеќе од милион долари и многу пари.
Кражбата била откриена минатата недела додека таа неколку дена била надвор од градот. На полициските службеници не им е јасно како крадците успеале да влезат во куќата и да го земат сефот.
Сега бараат видеа од различни камери во соседството и разговараат со соседите, но засега нема значајни индиции кои би довеле до откривање на сторителот. Мајката на музичката ѕвезда и претходно имала проблеми. Во април, полициски службеници уапсиле човек кој, како што се наведува во извештајот, со фрлање камења нанел мала штета на поштенското сандаче.
Како што пишува ТМЗ, таа не сакала да го тужи човекот кој бил сместен во психијатриска болница поради неговото расеано и неконтролирано однесување.
