Какви биле последните денови на пејачката Бади Бекир која почина вчера во Скопје, откри Драгица Стевковска-Дракче, нашата позната водителка, пријателка на Бади.
„Прекрасна моја Небахад Бади Бекир имавме многу заеднички дружења и нашата енергија беше посебна.. Последен пат се слушнавме и ти реков биди јака и бори се. Ми рече, се борам мила но имам ужасни болки.
Нека ти е вечен мир, во небесата без болки. Смеј се и пеј зошто тоа многу ти прилегаше. Почивај во мир драга“, напиша Дракче.
Бади Бекир почина вчера во Скопје по борба со тешка болест. Бади беше една од најпочитуваните пејачки на македонска народна музика.
Покрај соло кариерата, таа настапуваше со групата наречена „Четири грации“, каде покрај неа беа и Благица Павловска, Андријана Алачки и Росана Сариќ- Тодоровска.
Ја нарекуваа и македонската Весна Змијанац.
Бади Бекир снимаше народни песни на македонски, турски и албански јазик и повеќепати беше на турнеја низ поранешна Југославија. По распадот на Југославија најмногу пееше македонски народни песни. Во 2002 година, таа со уште неколку колеги имаше турнеја во Австралија.
