Љубовниот живот на фолк-пејачката Мина Костиќ повторно е во фокусот на јавноста по откритието дека ужива во нова романса со Мане Ќурувија, во медиумите познат под прекарот Каспер.
Приказната за нивното запознавање започнала преку социјалните мрежи, а иако живеат на различни адреси, Мане веќе со години гради успешна кариера во САД, а раздалеченоста не претставувала пречка за нивните емоции.
Покрај љубовната врска, регионалните медиуми и јавноста посебно се заинтересираа за деловниот успех на Каспер, кој работи на висока позиција во компанија за управување со паркинг-системи на една од најпрестижните локации во светот.
Говорејќи за својот ангажман зад океанот, Мане отворено откри детали од својата работа кои предизвикаа бројни коментари:
„Ниту една работа не ми е туѓа. Компанијата во која работам има 88 гаражи на Менхетен и имаме месечни клиенти. Запослени се околу 1.500 работници. Сум работел сè и сешто, искрено и чесно, и не се срамам од ниедна работа. Обичен човек сум, голем работник и со полна уста можам да кажам дека секогаш сум заработувал со свои десет прсти“, истакна тој.
Додека еден дел од јавноста ги фали неговата работна етика, скромност и деловен успех, други сепак со доза на сомнеж гледаат на овие бројки и авторитетот на неговите изјави. Сепак, сè укажува на тоа дека познатата пејачка покрај него пронашла вистински мир и поддршка.
