Конзервативниот коментатор и десничарски активист Чарли Кирк беше убиен во средата во атентат на Универзитетот Јута Вели. Имаше 31 година. Чарли беше застрелан на бина, а бројни луѓе ширум светот остро го осудија овој напад, вклучително и оние кои не се согласуваа со неговите политички ставови.
На социјалните мрежи се огласија многу ѕвезди кои испратија поддршка до семејството на Чарли и овој чин го нарекоа ужасен и монструозен. Сепак, имаше и поединци кои не покажаа жалење поради стравичната пукањавa што се случи додека Чарли беше на бината.
Америка е во шок поради атентатот, протекуваат стравични снимки, очевидци: „Илот погоди право во него, сите паднавме на подот“.
Еден од нив, судејќи според објавите, е и хрватскиот пејач Марко Бошњак, кој шокираше со низа објави за Кирк. Мислењето на Марко брзо стана мета на остри критики, а дури му се заканија и со пријава во полиција.
Бошњак своето мислење го сподели преку Инстаграм стори, а во првата објава реагираше на текст во кој пишуваше: „Чарли Кирк денес беше застрелан и убиен додека држеше говор пред студентскиот кампус. Никој не треба да умре поради своите политички мислења. Никој.“ На тоа Марко напиша: „Никој освен Чарли Кирк.“
Потоа ги сподели ставовите на Кирк за силување, абортус и оружје, а во следната објава напиша: „Интересно е да се види дали расправата за овој случај ќе даде предност на емпатијата или на расчленувањето на факторите што довеле до неговата смрт, со истовремено потврдување на вредноста на животот без оглед на перспективата. Мислам дека ова можеше да се очекува“.
Во следните неколку објави тој ги прозва оние кои му пишувале пораки, а не се согласувале со него и кои го критикувале.
„На сите што ме затрупуваат со ‘емпатија‘ поради смртта на Чарли Кирк: Каде беше таа емпатија за време на геноцидот во Газа? За време на гладувањето на милиони луѓе?“, напиша, а потоа додаде:
„Деца убиваат секој ден, а лидери како Андреј Пленковиќ се ракуваат со израелските министри. Истите оние кои ја споредуваат војната во Хрватска со геноцидот во Газа“.
Кој беше Чарли Кирк?
„Ми велите дека отидов предалеку затоа што го прозвав Кирк, а продолжувате да молчите кога цели семејства во Палестина се масакрираат. Вашето селективно згрозување зборува сè. Светот е ј*бан, а вашата емпатија е тука само кога треба да ги штити фашистите“, додаде Марко.
Бошњак сподели и една порака во која некој му се заканил дека ќе го пријави во полиција поради поттикнување насилство.
Неговите објави предизвикаа лавина реакции на Икс, каде што повеќето се согласија дека со своите ставови „ја преминал границата“.
