Пејачот Хари Варешановиќ наскоро ќе одржи концерт во Белград, а посебно се радува што по десет години објави нова песна. За својата кариера, но и за колегите, отворено зборуваше на прес-конференција.
Хари истакна дека нема причина за страв и дека тешко може да му се случи напад каков што доживеа Здравко Чолиќ, кога непознато лице фрли бомба во дворот на неговата вила. По оваа вест, како и по киднапирањето на Даниел Кајмакоски, дел од естрадата изрази загриженост за личната безбедност. Сепак, Хари вели дека нема причина да се грижи.
„Јас мислам дека не сум толку важен, немам обезбедување. Не сум толку важен и затоа немаат што да земат од мене“, изјави Хари, убеден дека никому не му се замерил.
Тој додаде дека од музичката кариера не станал богат човек, ниту, пак, провоцирал некого.
„Не станав богаташ од оваа работа, ниту сум иритирал некого. Не сум се дружел со погрешни луѓе“, заклучи пејачот.
