Принцот Хари и Меган побарале копии од фотографиите, видеата и сите снимки што биле направени за време на автомобилската потера со папараците на 16 мај, објави „ТМЗ“.
Според истиот извор, како една од причините, принцот и неговата сопруга навеле дека снимката им е потребна за да го подобрат своето обезбедување.
Писмото од правниот тим на војводата и војвотката од Сасекс било испратено до фотоагенцијата „Бекгрид“.
Во писмото стои:
„Со ова бараме Backgrid веднаш да ни достави копии од сите фотографии, видеа и/или филмови направени минатата ноќ од хонорарните фотографи откако парот го напушти својот настан и во текот на следните неколку часа,“ пренесува „ТМЗ“.
