Музичарот Горан Бреговиќ изгради уште една луксузна вила, сместена во елитната белградска населба Сењак, и тоа не било каква, туку таканаречена „паметна“ куќа.
Неговото ново модерно живеалиште е проценето на неверојатни два милиона евра, а се наоѓа во една од помалите улици во овој престижен дел од главниот град.
Паметната вила се одликува со современ архитектонски стил, со големи стаклени површини скриени зад ролетни, минималистички детали, како и богата зелена оаза што ја опкружува од сите страни.
Имотот се простира на парцела од четири ари, а безбедноста е на високо ниво – објектот е покриен со бројни безбедносни камери, додека напредните алармни системи обезбедуваат приватност и сигурност.
Да потсетиме, Бреговиќ со години живее на релација Белград – Париз, а оваа вила е уште еден доказ дека познатиот музичар не штеди кога станува збор за луксуз и удобност, како и дека средствата ги вложува во недвижности. Освен оваа куќа, тој поседува станови, куќи и апартмани во Белград, Париз, како и на јадранското крајбрежје.
