Вчеравечер се одржа емотивен концерт посветен на починатиот Драган Лазиќ, брат на пејачот Дарко Лазиќ, на кој се собраа бројни пријатели, колеги и соработници за преку музика и спомени да му оддадат почит.
На настанот настапија изведувачи кои со години соработувале со Драган, а атмосферата била исполнета со емоции и сеќавања на човекот кој, како што велат, оставил силна трага во музичкиот свет и кај публиката. Дарко Лазиќ се појави на концертот и зборуваше за медиумите за значењето на оваа вечер, како и за одлуката да ја поддржи организацијата на настанот.
„Јас сум прв тука, ова е локалот во кој тој често пееше. Ме прашаа за дозвола да го направат настанот, ќе беше глупаво да не се појавам – тој ми е брат. Јас дадов благослов. Тој тука го остави својот живот, тука работеше до зори. Ова е потесниот круг на луѓе.“
Тој истакна дека се собрале најблиските пријатели и музичари кои сакаат преку песна да го зачуваат споменот на Драган.
„Тука се главно сите негови пријатели, тие пеат за него, тоа им беше планот. Јас се одзвав, и јас да запеам – ова е сеќавање на него. Планирам секоја година да организирам ваков меморијален концерт за него.“
Сепак, пејачот призна дека сè уште не е подготвен да изведе песна која е посветена токму на неговиот брат.
„Имам песна која е напишана специјално за него, но за таа песна не сум подготвен, бидејќи е премногу емотивна, а јас сум премногу слаб за тоа.“
