Регионалната музичка ѕвезда Теа Таировиќ денес, на 24 април, ја прославува првата годишнина од бракот.
Имено, пред точно една година таа му се заколнала на вечна љубов на својот долгогодишен партнер Иван, а свадбената церемонија била организирана во дворец во Нови Сад, сместен покрај самата река.
Иако желбата на младенците била свадбата да помине далеку од очите на јавноста, во присуство на најблиските пријатели, кумовите и членовите на семејството, интересот од медиумите бил огромен.
Tea блескала во впечатлива венчаница изработена од чипка и кристали, додека нејзиниот сопруг се појавил во елегантен црн смокинг.
Пејачката до матичарот и идниот сопруг ја придружувал нејзиниот татко, Зоран Таировиќ.
Дворецот во кој се одржале церемонијата и прославата изгледал како сцена од бајка, налик на холивудски филм, а според снимките што протекоа во јавноста, забавата била на високо ниво и траела до раните утрински часови.
За разлика од дел од своите колешки, Tea не сакала естрадна свадба, па меѓу гостите имало само две пејачки – Сања Вучиќ и Барбара Бобак.
Годишнината од бракот Tea и Иван ја одбележуваат во странство, пренесуваат медиумите, имајќи предвид дека пејачката има бројни настапи и концерти. Таа неодамна ја објави и дуетската песна „Шамар“ со Дадо Полумента, која стана голем хит.
