Винсент Касел и неговата нова девојка Нара Баптиста, која сите ја сметаат за копија на неговата поранешна партнерка Тина Кунаки, беа уловени од папараците. Љубовниците биле забележани на познатата плажа Ипанема во Рио де Жанеиро, каде што го поминале денот сончајќи се.
27-годишната натпреварувачка за Мис Универзум 2020, која е 30 години помлада од нејзиниот избраник, носеше шарен костим за капење и црвено парео. Двојката не се криеше од фотографите.
View this post on Instagram
Романсата меѓу Нара и Винсент стана позната пред два месеци кога споделија фотографии на Инстаграм. Актерот и моделот не ги кријат чувствата, редовно се уловени од папараците и објавуваат заеднички фотографии. Не е познато дали новата девојка на Касел ги познава неговите деца, ќерките Дева и Леони од неговата прва сопруга Моника Белучи.
Во април оваа година 57-годишниот Винсент Касел по седум години врска раскина со убавата глумица Тина Кунаки. 26-годишната убавица, според гласините, го изневерувала Касел, што било причина за разделбата. Поранешните партнери имаат заедничко дете, четиригодишната ќерка Амазони.
Пред некој ден, Кунаки објави фотографија на Инстаграм на која позира со шпанскиот глумец и фотограф Виктор Сантијаго, кого го нарече „љубовта на нејзиниот живот“.
