Куќата на Саша Поповиќ во Белград е вистински семеен дом.
Саша Поповиќ и Сузана Јовановиќ не сакаат претерано да го споделуваат својот приватен живот со јавноста. Поради ова, исклучително ретки се случаите кога дозволуваат камери во нивниот луксузен дом на Бежанијска коса, а куќата на Саша Поповиќ последен пат беше прикажана во емисијата „Премиер викенд специјал“.
– Ова е мојата оаза на мирот, каде што ги полнам батериите. Среќна сум кога сум своја на свое. Ова е куќа во која живеат луѓе, готват, перат, пеглаат, чистат, доказ дека ова место припаѓа на едно семејство – откри Сузана, седната на трпезариската маса покриена со чаршав кој открива дека во овој луксузен имот навистина живее семејство и дека нејзината куќа не е само место каде што понекогаш навраѓа.
Пристапот до куќата наликува на холивудска палата. Има застаклени влезни врати и бели столбови, прва асоцијација на луксуз. Меѓутоа, кога ќе влезете во домот на Сузана Јовановиќ и Саша Поповиќ, набрзо ќе ви стане јасно дека сепак приоритет се удобноста и комфорот – пишува Hello!.
Сузана не сака да се фали со луксуз.
– Отсекогаш сум го сакала семејниот живот. Не патев да имам голема кариера, мегаломански концерти и месеци поминати на турнеи. Мирот, семејството и домот ми се најважните работи на светот – изјави убавата пејачка.
– Приказните за нашето богатство отсекогаш ни биле проблем. Поради бројките кои протекоа во јавноста, бевме ограбени пред неколку години, а јас се уште сум трауматизирана од тој настан. Никогаш не го нагласувавме луксузот и не сакавме да се фалиме со луксуз. Водиме сосема нормален живот и сè што сме направиле сме го направиле со сопствен труд. Опасно е да се зборува за богатство и милиони кога имаш деца – изјави претходно во една прилика Сузана.
View this post on Instagram
