Појадокот во Македонија најчесто е печиво (ѓеврек, бурек, кифла…) со јогурт, кајгана или можеби леб со мед, путер и чаша чај. Во продолжение прочитајте каков појадок се практикува во некои други земји.
Шведска
Мазарин
View this post on Instagram
Мазарин – тартот се јаде со кафе наутро, попладне, па дури и после оброк. Овие закуски се нарекуваат „фика“. Името Мазарин потекнува од шведското име за паста од бадем, поточно марципан, но и од познатиот италијански кардинал Жил Мазарин кој бил широко познат во француската историја. Се прават од тесто за печиво со вкус на слатка ванила и фил направен со крем од бадем. Потоа се преливаат со глазура, која е мешавина од шеќер во прав и сок од лимон.
Ел Салвадор
Кесадиља Салвадорена
View this post on Instagram
Нешто помеѓу многу меко лепче и чизкејк торта, кесадиља салвадорена традиционално се подготвува од оризово брашно, иако може да се направи и од пченкарно брашно (маса) или пченично брашно (триго). Рецептот и начинот на подготовка се разликуваат од куќа до куќа. Во Ел Салвадор, кесадиљите се прават со традиционалното салвадорско сирење наречено „queso duro blando“ (тврдо сирење), кое има бела боја со многу малку солен и пријатен вкус.
Нов Зеланд
Пикелет
View this post on Instagram
Пикелет е вид палачинка што е многу подебела од традиционалната француска палачинка и приближно со иста дебелина како и американската палачинка. Во однос на дијаметарот, пикелетот е типично помеѓу 7 и 8 сантиметри. Овој тип палачинка се служи слично како американската со овошје, џем, крем, путер, сируп, чоколаден прелив, шеќер во прав или стандарден шеќер.
