Поранешниот хрватски премиер Златко Матеша (74) го кажа судбоносното „да“ на својата 30 години помлада партнерка Бланка Качер.
Матеша откри дека се оженил со Бланка во црква веднаш штом сфатиле дека тоа е нешто посебно за нив.
– Првпат се оженив во црква. Се венчавме веднаш штом сфативме дека тоа е нешто убаво за нас – изјави Златко за Слободна Далмација.
Бланка додаде дека тие двајца всушност се родени венчани.
Познатиот пар се соочува со негативни коментари од јавноста поради значителната разлика во годините, но неодамна Бланка реши да одговори на критиките преку социјалните мрежи и рече дека игнорира глупости.
Златко Матеша, кој беше премиер на Хрватска од 1995 до 2000 година, зад себе има три пропаднати брака.
Качер е раководителка на Катедрата за граѓанско право на Правниот факултет во Сплит и директор на Студиото за спортско право.
