Драмската серија „Наследство“ е прогласена за најдобра на доделувањето на Еми наградите кои се одржаа синоќа во Лос Анџелес, со триумфот на своите актери, а „Мечката“ ја доби наградата за најдобра хумористична серија.
View this post on Instagram
По четиримесечно одложување поради штрајкови во Холивуд, елитата на американската телевизија се собра во Лос Анџелес на 75-тото доделување на Еми наградите.
Телевизискиот еквивалент на Оскарите обично се одржува во септември, но организаторите го договорија настанот во јануари, верувајќи – очигледно со право – дека дотогаш штрајковите на актерите и сценаристите ќе завршат и најголемите ѕвезди ќе можат да продефилираат повторно на црвениот тепих.
Emmy Awards: The full list of 2024 winners https://t.co/G5flNQ5APg pic.twitter.com/Hxqn2NxJ9Y
— Daily Mail Online (@MailOnline) January 16, 2024
„Наследството“ на HBO, мрачна и жестока хроника за внатрешните судири на богато дисфункционално семејство на чело на голема медиумска империја, имаше 27 номинации и заврши со вкупно шест Еми награди, колку што има и „Мечката“.
View this post on Instagram
Наградите за најдобар главен актер и актерка во драмска серија ги добија Киеран Калкин и Сара Снук. А наградата за најдобра машка споредна улога му припадна на „Херитиџ“, која ја освои британскиот актер Метју Мекфадиен.
Дури тројца актери од „Наследство“ – Брајан Кокс, Киран Калкин и Џереми Стронг – беа номинирани за најдобра машка главна улога во драмска серија.
Еми за најдобра споредна женска улога ѝ припадна на Џенифер Кулиџ за сатирата „Белиот лотос“.
View this post on Instagram
Додека „Наследство“ доминираше во категориите за драма, Мечката („The Bear“) освои шест награди во категоријата комедија, а „Beef“ на Нетфликс доминираше во категоријата кратки серии.
„Мечката“ – освен што ја освои наградата за најдобра хумористична серија – доби и три актерски награди: Џереми Ален Вајт ја доби Еми наградата за најдобар главен актер, а Ајо Едебири и Ебон Мос-Бахра за најдобра споредна женска улога и најдобар спореден актер.
Најдобра женска улога во хумористична серија: Квинта Брансон („Abbott Elementary“).
Emmy Awards 2024: Elton John wins historic EGOT for Dodger Stadium farewell show https://t.co/4tentIAlE6
— The Sun (@sbsun) January 16, 2024
Сер Елтон Џон ја доби својата прва Еми награда, со што стана „EGOT“ – добитник на Еми, Греми, Оскар и Тони.
