На актерот изгледа дека годините не му се пречка за да продолжи да снима. На полни 62 години Том Круз виси од авион кој се врти додека лета. Секако, станува збор за снимање на ново продолжение на „Невозможна мисија“. Но, интересно е дека Круз одбил да носи падобран бидејќи се држел за авионот изведувајќи трик што ретко кој би се осмелил да го направи.
#TomCruise and #EsaiMorales on the set of #MissionImpossible 8 yesterday!
15.07.2024. pic.twitter.com/xM9MkJjLFO— Tom Cruise • fan account (@tomcruisse62) July 16, 2024
Фотографиите објавени од британските медиуми го покажуваат застрашувачкиот момент кога авионот се превртел, оставајќи го Том да се држи за крилото.
„Изгледаше дека ликовите снимаат сцена со борба каде што се караат пред авионот да се преврти наопаку. Пилотот беше облечен во зелено, што сугерираше дека ќе биде отстранет од сцената, а Круз и Моралес ќе бидат единствените во авионот“, изјавил извор за „Мирор“.
Круз стана препознатлив токму поради акробациите кои сам ги изведува, а имаше и улоги за кои такви работи беа особено неопходни, почнувајќи од „Топ Ган“ па завршувајќи со бројните продолженија на „Невозможна мисија“.
За последниот објавен дел од „Невозможна мисија“ тој се надмина себеси, изведувајќи скокање од карпа. Овој потфат беше окарактеризиран како „најголемиот трик во историјата на кинематографијата“.
