Музичката ѕвезда Драгана Мирковиќ и по разводот остана да живее во својот замок во Виена, а и оваа година се потруди нејзиниот дом за празниците да изгледа величествено.
Домот на Мирковиќ заблеска во полн сјај благодарение на раскошната новогодишна декорација, на која пејачката посвети големо внимание, претворајќи го просторот во вистинска празнична бајка.
На својот инстаграм-профил, Драгана сподели фотографија на која го покажува начинот на украсување на огромната елка, сместена во централниот дел на дневната соба.
Импресивното дрво, кое се протега речиси до плафонот и големиот кристален лустер, доминира во просторијата и веднаш привлекува внимание.
Елката е богато декорирана со разни празнични украси, а во декорацијата преовладуваат црвената и белата боја, кои дополнително ја зголемуваат топлата и свечена атмосфера во замокот на Драгана Мирковиќ.
