Српската пејачка Наташа Беквалац позираше во модно издание кое ја направи да изгледа како балерина, испраќајќи моќна порака до сите жени.
Имено, таа носеше светло розов костим креиран од српскиот дизајнер Урош Чеврљаковиќ и црни хулахопки. Изгледот го комплетираше со ракавици и шпицести потпетици. Стајлингот на пејачката го направи нејзината сестра Кристина Беквалац.
Наташа напиша неколку реченици во описот на фотографиите, што секоја жена ги слуша речиси секој ден:
„Премногу е слаба, што ѝ се случи?“, „Леле, се здебелила, изгледа многу постара“, „Која е поентата на овие силикони? Пластична кукла“, „Каде ѝ се градите? Рамна е како даска“, „Работи секој ден, кој се грижи за нејзините деца?“, „Кутрата, не излегува од дома. Нон-стоп со децата“, „Види како се запуштила. Треба да му направи нешто на тоа лице“, „Претерала, нема израз на лицето“, „Разведена е, веќе има дечко. Срамоте“, „Разведена е, нема никого со години, кутра жена“…
Таа продолжи да им кажува на жените дека единственото важно е што и кого гледаат кога ќе се погледнат во огледало.
„Живејте го вашиот единствен живот според вашите сопствени стандарди, критериуми и систем на вредности што е вистински за вас. И убав. И важен. Можете да бидете што сакате. На пример, вечерва јас ќе бидам балерина. Оваа балерина ве чека вечерва на голем концерт на плоштадот во Зворник“, напиша таа.
View this post on Instagram
Следбениците се согласија со нејзиното мислење.
„Точно така, мој Наки“, „Овие коментари најчесто доаѓаат од жени, за жал. Најубаво е кога си во мир со себе“, „Тенка и дебела и со и без силикони, тоа никогаш не те дефинирало. Она што те дефинира е всушност твојот дух, твојата суштина, чиста и убава како сонцето“, се некои од коментарите.
