После големиот успех и соработката со најпознатиот моден двоец Долче и Габана на нивната модна кампања и ревија во 2021 година, нашата врвна моделка Ивана Манас повторно се враќа на голема врата во модниот бизнис.
Минатиот месец престојуваше во Атина, па покрај другите ангажмани го изработи модниот едиторијал за грчкото издание на престижниот моден магазин Elle. Фотосесијата се појави во јулскиот број на Elle Greece.
Зад целиот овој проект стои професионалниот тим на магазинот, а прекрасните локации каде беше реализиран едиторијалот, се во околината на Атина.
„Ивана веќе има големо и богато модно портфолио кое ги вклучува модниот едиторијал за магазинот Vanity Fair, кампањата за брендот Арабал, ревијата за фасцинантниот дизајнер Rick Owens и многу други. Во моментов се договара новата сезона и дали ќе се врати во Милано или пак овој пат ќе отиде во Париз, останува да видиме” велат од нејзината матична агенција Моделс ИН Менаџмент од Скопје.
