Музичката легенда Лепа Брена вчера го прослави 65-тиот роденден, а својот посебен ден го обележа со своето семејство во луксузна вила во Белград на Бежанијска коса. Дел од славеничката атмосфера таа сподели и со своите обожаватели на Инстаграм, каде што објави фотографија покрај тортата украсена со нејзиниот лик и диско топки – детаљ што воодушеви многу нејзини следбеници.
Заедно со фотографијата, Брена им се заблагодари на сите што ѝ испратија честитки за роденденот и убави пораки.
„Драги пријатели, ви благодарам на сите за најубавите желби за роденденот. Вашите пораки, честитки и убави зборови ми го разубавија денот и го направија особено среќен. Неизмерно го ценам вашето внимание, љубов и времето што го одвоивте да ми упатите убави желби. Ви благодарам што сте дел од мојот живот и што го направивте овој роденден незаборавен. Ве сака вашата Брена“, напиша пејачката.
Во интервјуто за српски „Курир“, Брена откри како гледа на својот живот и кариера денес откако го продаде својот удел во „Гранд продукција“, една од најпознатите компании за музичка продукција во регионот, во која беше сосопствени со својот сопруг Боба Живојиновиќ.
– Бидејќи го немаме „Гранд“, свртев нова страница и решив да го живеам својот живот, повеќе не следам што се случува на сцената или во светот на шоу-бизнисот, бидејќи тоа повеќе не е моја работа или моја обврска. Веќе не гледам ништо. Имам лаптоп и на него гледам серии, документарци за луѓе и низ што поминале – познати актери, пејачи и спортисти. Приказните за сите тие успешни луѓе кои доживеале психички крах и како се справуваат со славата, успехот и парите се многу интересни – искрено признала таа.
