Анастасија и Немања Гудељ тајно се венчаа пред неколку дена во вилата на семејството Ражнатовиќ на Дедиње.
Семејствата Ражнатовиќ и Гудељ присуствуваа на свадбената церемонија и на граѓанската венчавка на фудбалерот и пејачката.
Младата пејачка Анастасија блесна во бел сатенски фустан што го избра за овој посебен момент, додека Немања се одлучи за полежерна варијанта – бела кошула и црни панталони.
Сепак, она што ги изненади сите е цената на фустанот што младата пејачка го носеше на својата свадба.
Иако сите мислеа дека Анастасија избрала скап модел за свадбената прослава, сатенскиот фустан во кој блескаше ќерката на Цеца чинеше 390 евра, пишува српски „Курир“.
View this post on Instagram
Ова е втора венчаница која Анастасија ја носеше, по црковната венчавка на 14 јули минатата година која се случи во манастир.
Таа за граѓанската венчавка избра многу поевтин модел во однос на модното парче кое го носеше на црвената свадба.
Анастасија и тогаш реши да не носи класична венчаница, туку долг бел асиметричен фустан во стил на грчка божица, а задниот дел од фустанот со карнери допираше до подот.
Станува збор за модно парче од луксузната модна марла Ланвин кое може да се најде во продажба по цена од 3255 евра. Овој фустан пејачката го комбинираше со бели сандали на високи потпетици.
