Хрватскиот капитен Лука Модриќ дополнително ќе го збогати своето фудбалско наследство по тековното Светско првенство, но додека другите љубители на фудбалот ќе ги паметат неговите вештини од овој Мундијал, мексиканската тиктокерка засекогаш ќе го памети неговиот џентлменски гест.
View this post on Instagram
Лука и таа се протагонисти на приказна која стана вирална на социјалните мрежи. Младата фотографка и инфлуенсерка Валерија Куелар на своите профили открила убав подарок што го добила од Модриќ, а кој ги изненадил сите присутни во прес-салата.
Најпрво таа појасни дека не го познава лично Лука, но дека тој знае која е таа бидејќи често се фотографира на „Сантијаго Бернабеу“, каде хрватскиот капитен заработува во дресот на Реал Мадрид. Младата Мексиканка работи како волонтерка на ФИФА во Катар, а дел од нејзината работа на Светското првенство е да се погрижи фоторепортерите во близина на теренот да не ја преминат границата што не им е дозволено.
Во оваа улога таа беше на мечот меѓу Хрватска и Белгија.
View this post on Instagram
Валерија долго време го молела Модриќ за дрес на Реал Мадрид, особено сакала од Лигата на шампионите, а кога дознала дека ќе работи на мечот со Белгија, му испратила порака на Лука да му посака среќа и напишала дека ќе биде на стадионот, ако има можност да се запознаат.
„Навистина не го очекував ова, мислев дека Лука ќе биде несреќен бидејќи речиси беа елиминирани од Белгија, а ние не успеавме да се сретнеме на теренот. Не мислев дека ќе го добијам дресот, но кога ме виде на прес-конференцијата, го соблече дресот и ми го даде“, објасни таа.
„Ти благодарам за поддршката“, ѝ рекол Лука пред збунетите претставници на медиумите.
View this post on Instagram
Убавата Мексиканка го прашала својот шеф од ФИФА дали може да го земе дресот бидејќи на Светското првенство била волонтер, а не навивачка, но тој ѝ дал зелено светло бидејќи тој момент не и пречел на обврските во Катар.
