Ќерката на балканската музичка ѕвезда Здравко Чолиќ, Уна Чолиќ, повторно е центар на вниманието поради смелите фотографии што ги објави на својот инстаграм-профил. Со провокативен стајлинг и самоуверен став, младата инфлуенсерка предизвика лавина реакции.
На најновите објави Уна позира без двоумење, нагласувајќи ги облините и женственоста, по што следеа бројни коментари. Дел од следбениците ја пофалија за храброста и слободата да го изрази својот стил, додека други сметаат дека често оди „предалеку“. Сепак, нејзините објави редовно привлекуваат илјадници прегледи и коментари, а популарноста постојано ѝ расте.
Под фотографиите се нижеа реакции од типот „никогаш поубава“, „сè уште знае како да го нагласи својот адут“, но и критики дека претерано провоцира. Уна не реагира на негативните мислења и продолжува да го гради својот препознатлив имиџ.
Инаку, таа неодамна со следбениците сподели и дел од својот приватен живот – првпат објави фотографија со партнерот, што предизвика дополнително внимание во јавноста.
Пред почетокот на летото, Уна решила да посвети повеќе внимание на исхраната. Не брои калории, но се придржува до едно правило – намален внес на јаглехидрати, а зголемен на протеини и растителни влакна. Иако овој режим важи за еден од најефикасните начини за намалување килограми, Уна признава дека понекогаш си дозволува и омилена слатка ужина.
Здравко Чолиќ ретко зборува за своето семејство, но во едно интервју искрено проговори за односот со постарата ќерка.
„Таа постојано нешто се слика. Јас ѝ преговарам, не го сакам тоа многу, но не можам да ѝ забранувам. Таква е… Сакам да се слика со мене, но јас по природа избегнувам камери. Денес е поинаку, сè е телефон, селфи… Ние порано мораше фотограф да ангажираме“, изјави Чолиќ.
Уна и Лара се единствените две ќерки на популарниот пејач од бракот со сопругата Александра.
