Елена Велевска има голем повод за славење. Нејзината најстара ќерка, убавата Софија, го прослави својот 18-ти роденден, официјално влегувајќи во светот на возрасните.
Популарната фолк-пејачка, која секогаш истакнува дека децата ѝ се најголемиот успех и гордост во животот, сподели емотивни моменти од роденденската забава која се одржала во познат хотел во Охрид на социјалните мрежи. На фотографијата која привлече најмногу внимание, славеничката Софија блеска во елегантен бел фустан, позирајќи покрај мајка си и својот брат Марко.
Софија веќе одамна го привлекува вниманието на јавноста со својата природна убавина и грациозност, а многумина коментираат дека таа е „слика и прилика“ на својата славна мајка.
Под објавата на Инстаграм, каде Елена го сподели среќниот момент, веднаш се нижеа честитки од колегите и пријателите. Меѓу првите се јави пејачката Сузана Гавазова, која на својата колешка и на славеничката им посака: “Среќен роденден и среќно полнолетство!”
Иако Елена Велевска важи за една од најангажираните пејачки на нашата сцена, таа секогаш наоѓа време да биде максимално посветена на своите три деца: Софија, Марко и Калија.
View this post on Instagram
