11 годишната ќерка на Бијонсе, Блу Ајви, го украде вниманието на турнејата „Renaissance“ на нејзината мајка.
Вечерта на отворањето на турнејата на Бијонсе насловена „Ренесанса“ ќе остане незаборавна за фановите на пејачката не само поради неверојатниот настап на суперѕвездата, туку и поради изгледот на нејзината најстара ќерка Блу Ајви Картер. 11-годишното девојче беше забележано од обожавателите во публиката, изгледаше како вистинска мала дама и зрачеше со сериозен стил.
Облечена во предимензионирана маица, широки панталони и обетки со златни обрачи, Блу Ајви стоеше до нејзиниот татко Џеј Зи, кој гордо гледаше како Бијонсе ја „тресе“ сцената во Стокхолм, Шведска.
🪩 | Blue Ivy and JAY-Z at the Friends Arena pic.twitter.com/LGVBle8XX0
— Beyoncé Press. 🪩 | Fan Account (@beyoncepress) May 10, 2023
Обожавателите не можеа а да не ја коментираат неверојатната сличност на Блу Ајви со нејзината славна мајка, а многумина истакнуваат како секоја измината година таа се повеќе личи на Бијонсе.
„Таа изгледа исто како Бијонсе“, коментира еден фан, додека друг забележа: „Погледнете ѝ го профилот, како да е „скинат“ од лицето на мајка ѝ“. Некои обожаватели пак, сугерираа дека Блу Ајви е совршен спој на двајцата нејзини родители, а една корисничка на Твитер напиша: „Блу Ајви е навистина се „копи + пејст“ на Бијонсе“.
Додека Блу Ајви го украде „шоуто“ со нејзиниот неверојатен изглед, изведбата на Бијонсе ги остави фановите со подзинати усти додека ги изведуваше некои од нејзините најголеми хитови облечена во неколку секси модни комбинации. Сепак, некои обожаватели забележаа дека таа е повоздржана во танцовите потези од вообичаено, што доведе до шпекулации дека можеби имала операција на стапалото.
🪩 1 MILLION views! 😭
— Beyoncé Press. 🪩 | Fan Account (@beyoncepress) May 11, 2023
И покрај гласините, Бијонсе докажа дека сè уште има неверојатна енергија со која блеска на сцената, покажувајќи го истовремено и својот неверојатен талент за пеење и страст за музиката.
Турнејата „Ренесанса“ опфаќа преку 50 датуми, со постојки во европските градови пред да се упати во Соединетите држави. Турнејата е во прилог на седмиот студиски албум на Бијонсе, исто така насловен „Renaissance“, кој беше објавен во јули 2022 година.
Обожавателите едвај чекаат да видат каква е иднината за талентираната Блу Ајви, која се чини дека ги следи стапките на нејзините родители со својот впечатлив изглед и неоспорната ѕвездена моќ.
