По долго време, пејачката Катерина Танева- Ѓоргиев или позната како Кате од „Нели ти реков“ се појави на социјалните мрежи со интересен повод, иако ретко објавува фотографии и видеа.
Видео од Кате објавил нејзиниот колега Ѓоко Ѓорчев од еден негов настап во Пробиштип. На видеото, Кате го прегрнала својот колега и заедно танцуваат и пеат песна од нивната младост.
„Ќе се збори уште многу за оваа прекрасна вечер, Пробиштип, ви благодариме“, напишал Ѓоко Ѓорчев. Кате е облечена во тигреста сукња со високи потпетици и изгледа одлично.
Таа е горда мајка на син и ќерка кои не сакаат да се експонираат во јавноста. Со радост раскажува дека сопругот ѝ е најголема поддршка, тој ја следи на многу настапи.
Таа вели дека не ѝ пречи што луѓето сѐ уште ја виката Кате од „Нели ти реков“, иако со таа група веќе поради обврски не настапува со ист интензитет како порано.
