Татјана Стојановска сме навикнати да ја гледаме во ТВ-студио, секогаш елегантно облечена, но во ова издание ретко може да се види нашата убава презентерка и водителка.
Тања реши да го смени животниот стил, па им се посвети на вежбањето и на здравите навики и објави фотографија од неа во теретана на својот инстаграм-профил. Таа неодамна искрено рече колку чини нејзиниот нов фустан, а раскажа и каков убав накит ѝ купил сопругот, Михаил Китановски.
Гостувајќи во поткастот на Марио Арангеловски „Естраден лексикон“, таа одговори на неговото познато прашање: „Колку чини твојот аутфит?“
– Мојот аутфит е едноставен, ова е фустан што си го купив специјално за емисијава. Многу е евтин, имаше попуст. Имаше и црн, јас си реков ајде во оваа боја, и чинеше само 1.300 денари – рече Татјана.
– Тајната е во тоа да си едноставен, приземјен, близок до гледачот, кој во однесувањето со луѓето е пријатен, човечен, еден од нив. Доколку гледачот ја почувствува арогантноста, надменоста и недостапноста кај една јавна личност, таа личност сигурно нема да опстои долго на јавната сцена – рече таа во едно интервју за „Слободен печат“.
