Весна Петрушевска објави дека по 20 години ќе ѝ се случи голема промена, а актерката покажа и каква е сосема природна, кога ќе стане од спиење.
Во инстаграм-приказната која ја објави, Весна рече дека по цели 20 години, таа нема да навива часовник и нема обврски никого да буди и да вози некаде. Весна се пошегува дека видеото го снимила како инфлуенсерките кои изгледаат секогаш средено, дури и кога ќе станат од спиење.
Во октомври, актерката се огласи од болница по операцијата, за која рече дека е четврта за една година.
– Помина, малце така Господ го видов цела ноќ ама помина. Инаку влегов со песна на операција, оти баш тогаш се случи Халид Бешлиќ да умре. И јас ја пеев „Миљацка“ со една сестра. За овие година и пол сама си одам во болница, сама се враќам, свесно си докажувам себеси дека можам сама и ги избегнувам оние моменти на непотребни емотивни состојби.
Животот е тука за да нѐ научи да бидеме храбри, да се бориме и да научиме да бидеме сами, оти сами доаѓаме на овој свет, сами си одиме – рече актерката, која пред повеќе од една година објави дека се оперирала од рак на дојка.
