Елена Ристеска ја изненади јавноста со нејзината голема промена. Никој не можеше да поверува дека ова е навистина таа.
Ристеска од црнокоса стана русокоса, а новиот имиџ го промомориваше на концертот посветен на легендарниот композитор Кире Костов кој се одржа сношти во Националната опера и балет.
Елена ја пееше легендарната „Кога те нема“, а на фотографијата што ја објави нејзиниот колега Ламбе Алабаковски, се гледа дека ѝ годи промената на имиџот и убаво ѝ стои новата боја на коса.
На фотографијата со Елена и Ламбе се и Бојана Скендровски и Влатко Лозаноски кои, исто така, настапија на концертот заедно со уште многу пејачи: Драган Мијалковски, Андријана Јаневска, Биба Додева, Сефедин Бајрамов, Мустафа Имери, Александар Тарабунов, Ана Петановска, Елена Васова и Сигија Маконами.
Елена Ристеска, без оглед дали пласира нова музика или на нејзините настапи публиката ги пее старите хитови, е секогаш актуелна во јавноста. Ако не е музиката, тогаш е нејзината козметичка линија, ако не е бизнисот, тогаш е приватниот живот.
– Не може да ме погоди нешто што е напишано или кажано за некој друг. Таа некоја Елена за која се коментираат невистини, не сум јас. Така и се справувам со вакви ситуации. Игнорантно.
Им препишувам на малограѓанштина. И на крајот, една вистина е најважна, а тоа е гревот на оној што кажува невистини за некој што не го познава. Би ме болело единствено ако тоа што се кажува за мене е вистина – рече Елена во едно претходно интервју за „Слобоен печат“.
