Поранешната српска тенисерка Ана Ивановиќ се смета за една од најдобро облечените дами на јавната сцена, а уште еднаш покажа дека со леснотија ги комбинира елеганцијата и летниот стил.
На социјалните мрежи Ана објавила фотографии направени во текот на прошетка покрај морето, каде што вниманието го привлекла со женствената комбинација инспирирана од цветни мотиви.
За оваа пригода, таа избрала горен дел во крој на корсет без прерамки, кој го комбинирала со долго, лелеаво здолниште со висок шлиц. Овој избор на облека дополнително ја нагласил нејзината витка фигура, додека целиот изглед го заокружила со сандали со високи потпетици, ефектни обетки и модерни очила за сонце.
View this post on Instagram
Романтичниот стајлинг во комбинација со морскиот амбиент оставил впечаток на софистицираност и ненаметлив гламур.
Да потсетиме дека минатата година Ана Ивановиќ покрена бракоразводна постапка на Мајорка, по девет години заеднички живот со поранешниот германски фудбалер Бастијан Швајнштајгер, а во исто време поднесе и барање за алиментација.
Како што е наведено, поранешните сопружници дури не ни сакале да се сретнат во судницата, поради што преку своите адвокати побарале постапката да се заврши што е можно побрзо.
Според пишувањето на германските медиуми, судот реагирал забрзано кога станува збор за алиментацијата, а сега е познато колку изнесува таа. Судијата донел одлука според која Швајнштајгер е должен да плаќа 15.000 евра по дете месечно, што е околу 540.000 евра годишно.
– По разводот, Бастијан Швајнштајгер мора да плаќа за луксузниот животен стил на Ана на Мајорка. Поранешната спортска двојка живее во луксуз, а колку пари се потребни за нивните синови стана јасно на судската постапка на Мајорка по нивниот развод. Судијата ја одреди месечната алиментација на 15.000 евра по дете, повеќе од половина милион годишно. Тоа се приближно девет просечни бруто годишни плати за вработени со полно работно време во Германија – пишува порталот „Бунте“.
Износот е утврден како дел од таканаречената привремена мерка пред судска постапка, што е вообичаена практика во Шпанија при разводи во кои се вклучени малолетни деца. Иако постапката за развод се води во Минхен, Ана Ивановиќ живее со своите синови Лука (8), Леон (5) и Тео (2) на Мајорка.
– Судот ги оправда невообичаено високите исплати на алиментација поради значителните финансиски средства на Бастијан Швајнштајгер и трошоците за живот што ги имале децата пред разводот. Според судот, семејството Ивановиќ – Швајнштајгер трошело помеѓу 6.000 и 7.000 евра месечно само за храна. Судот ги зел предвид исплатите на градинар, готвач и две чистачки, како и фактот дека секое дете има дадилка. Исто така, земени се предвид и високите приходи на Швајни, за кои судот изјавил дека е тешко да се утврдат бидејќи поранешниот победник на Светското првенство плаќа даноци во Германија – соопшти гореспоменатиот портал.
