Холивудскиот актер Бен Афлек поттикна гласини за нова романса по разводот со пејачката Џенифер Лопез, пренесува Дејли меил.
Според извор за Дејли меил близок до ѕвездата 52-годишниот Бен Афлек бил забележан со 36-годишната ќерка на американскиот политичар Роберт Френсис Кенеди Џуниор, Кетлин Кенеди. Се известува дека актерот и девојката биле видени во хотел во Беверли Хилс, како и во други популарни места меѓу познатите личности. Сепак, сè уште не е познато дали Афлек и Кенеди се во врска.
Ben Affleck, 52, is ‘hanging out’ with RFK Jr.’s daughter Kick Kennedy, 36, amid Jennifer Lopez divorce https://t.co/EsbuFckIug
— Daily Mail Australia (@DailyMailAU) August 25, 2024
На 20 август се појави информација дека Џенифер Лопез поднела барање за развод од Бен Афлек. Актерката и пејачка поднела документи до Врховниот суд во Лос Анџелес без адвокат и го навела датумот на разделба од нејзиниот сопруг – 26 април 2024 година.
Гласините дека Џенифер Лопез и Бен Афлек имаа сериозни проблеми во врската започнаа во мај. Подоцна се дозна дека славните ја поминале втората годишнина од бракот одделно.
Бен Афлек и Џенифер Лопез се забавуваа во раните 2000-ти. Беа свршени, но никогаш не дојде до свадба. Во пролетта 2021 година, поранешните љубовници ја продолжија својата врска. На 16 јули 2022 година, тие се венчаа во Лас Вегас. Џенифер Лопез има две деца од бракот со Марк Ентони – синот Макс и ќерката Еми. Бен Афлек пак, има три деца со Џенифер Гарнер: ќерките Виолет Ен и Фин и синот Семјуел.
