Српската фолк пејачка Александра Пријовиќ има голем број обожаватели, а тоа го докажува и муралот со нејзиниот лик што се појави во еден град во Србија.
На него е сликата на Прија од еден од концертите во рамките на нејзината турнеја, и тоа додека со микрофонот в рака со солзни очи гледа во неботот. Зад неа се наоѓаат белградската арена Штарк, споменикот Победник на Калемегдан, фонтаната Себиљ во сараевската Башчаршија, како и Загрепската катедрала со датумите кога се одржувале или ќе се одржат концертите.
View this post on Instagram
Да потсетиме, иако во последно време многу се шпекулираше за заработката на Александра, со бројки од половина милион евра по град до 900.000 евра, Александра не се огласи. Но, пејачката сега јавно ја сподели информацијата на својот инстаграм-профил дека нејзиниот албум кој беше објавен кон средината на оваа година, досега е прегледан 150.000.000 пати.
Ако се земе предвид дека нејзиниот канал на Јутјуб е монетизиран и дека песните се во нејзина сопственост, Прија заработила огромна сума и од музичката платформа. Како што може да се види на интернет, од еден милион прегледи на споменатата платформа, изведувачот може да заработи 1.000 евра, што значи дека Александра само од Јутјуб заработила дури 150.000 евра.
