Синоќа во рамки на Париската модна недела се одржа ревија на новата колекција на Balmain. Главната ѕвезда на модната ревија, на која беа прикажани повеќе од 100 модели, беше 76-годишната Шер. На почетокот јавноста ја виде како холограм, а на крајот од шоуто пејачката се качи на подиумот заедно со дизајнерот Оливие Рустинг.
View this post on Instagram
Шер се појави облечена во светкаво боди – изгледот потсетуваше на ажурирана верзија на нејзиниот сценски костим од видеото If I Could Turn Back Time.
View this post on Instagram
Публиката остана фасцинирана од изгледот на Шер со оглед на нејзината возраст. Така, таа уште еднаш ги помести модните ограничувања во однос на возраста покажувајќи дека и на 76 години може добро да ви стојат тесни кожени панталони, но и дека може да носите младешки чизми со висока платформа.
Бариери се исклучиво во главите.
Инаку, модната ревија се одржа на стадион, во живо ја следеа околу илјада поканети гости (на седиштата) и уште околу шест илјади посетители со билети „за стоење“.
