Филмската академија ќе биде организатор на вечер за „разговор, исцелување и изведба“ која ќе ја предводи индијанската активистка и актерка Сачин Литлфедер.
Во текот на вечерта, Академијата официјално ќе и се извини на актерката која со децении трпи злоставување во филмската индустрија откако се појави на доделувањето на оскарите во 1973 година.
Литлфедер тогаш се појави на сцената за да ја одбие наградата за најдобар актер на Марлон Брандо, што било негова желба. Наместо тоа, таа одржала едноминутен говор за стереотипите и малтретирањето на американските Индијанци во забавната индустрија и масакрот во Wounded Knee во Јужна Дакота.
Во понеделникот, Академијата призна дека сега 75-годишната актерка веќе педесет години е „професионално бојкотирана, злоставувана, напаѓана и дискриминирана“.
„На 17 септември, придружете ѝ се на Сачин Литлфедер во Музејот на Академијата за една вечер на разговори, исцелување и изведба додека се сеќаваме на влијанието на нејзиниот говор на 45-тото доделување на наградите на Академијата (што може да се погледне во Галеријата за историја на Оскарите)“, објави организацијата на Твитер.
„Сачин ве поканува да прославите со настапи во живо на индиски уметници, за време на кои Академијата ќе и го упати долгоочекувано извинување на актерката“.
