Јулија Власова, 29-годишна манекенка и инфлуенсерка на Инстаграм, но и сопственичка на сопствен салон за убавина во Чешка, која се забавува со 61-годишниот Џони Деп, одговараше на прашања од претплатниците на Инстаграм за актерот и неговата поранешна сопруга Амбер Херд.
На прашањето што мисли за Херд, која го обвини Деп за семејно насилство, а потоа го загуби судењето за клевета, Јулија одговори: „Не размислувам за неа“. Што се однесува до Деп, Јулија рече дека тој и помага да се справи со омразата од „злите луѓе“. Како доказ таа објави заедничка фотографија со актерот на која тој го покажува средниот прст на камерата. „Заеби ги“, напиша Власова на фотографијата.
Таа признала и дека во моментов е многу заљубена. Еден од следбениците ја прашал Јулија дали е вистина дека Џони ѝ предложил брак, но таа го одбила зашто сакала прво да го види прстенот. Власова одговори дека претпочита да ги крие таквите факти од нејзиниот личен живот, но во исто време на нејзиниот одговор прикачи видео во кое може да се види прстенот на нејзината рака.
За врската меѓу Јулија и Џони Деп се зборуваше откако тие беа фотографирани на хелиодром во Лондон. Тие претходно беа видени заедно на концерт на Џеф Бек во Прага во 2022 година, но тогаш никој не сугерираше дека ова е почеток на долга романса. Сега, инсајдер изјави за People дека парот всушност се забавува околу две години. Според него, Деп и Јулија решиле да ја одржат својата врска „неформална“ и ги напуштиле етикетите „дечко“ и „девојка“.
